Statutory Instruments made by the National Assembly for Wales

mae "adeilad" ("building") yn cynnwys cwt, ac unrhyw ran o adeilad y mae ganddi ei system awyru ei hun ac y mae wedi'i gwahanu oddi wrth rannau eraill o'r adeilad gan bared solet;

ystyr "bridiwr cig" ("meat breeder") yw dofednyn a gedwir i gynhyrchu wyau ar gyfer eu gori a'u deor i gynhyrchu cywion—

(a) a gaiff eu magu i gynhyrchu cig i'w fwyta gan bobl, neu

(a) y caiff eu hepil eu magu i gynhyrchu cig i'w fwyta gan bobl;

ystyr "cyw" ("chick") yw aderyn sydd yn iau na 72 awr ac nad yw wedi'i fwydo;

ystyr "dodwywr fridiwr" ("layer breeder") yw dofednyn a gedwir er mwyn cynhyrchu wyau ar gyfer eu gori a'u deor i gynhyrchu cywion—

(a) a gaiff eu magu i gynhyrchu wyau i'w bwyta gan bobl, neu

(b) y caiff eu hepil eu magu i gynhyrchu wyau i'w bwyta gan bobl;

ystyr "dofednod" ("poultry") yw ffowls domestig, twrcïod, gwyddau a hwyaid;

ystyr "haid" ("flock") yw dofednod o'r un statws iechyd â'i gilydd, a gedwir ar yr un daliad neu yn yr un caeadle, sy'n un uned epidemiolegol ar ei phen ei hun, ac sy'n cynnwys, yn achos dofednod a gaiff eu lletya, bob aderyn sy'n rhannu'r un gofod awyr;

ystyr "haid fridio" ("breeding flock") yw haid a gedwir ar gyfer cynhyrchu wyau ar gyfer eu gori;

ystyr "labordy a gymeradwywyd" ("approved laboratory") yw labordy a gymeradwywyd gan Weinidogion Cymru at ddibenion y Gorchymyn hwn;

ystyr "meddiannydd" ("occupier"), mewn perthynas ag unrhyw ddeorfa neu ddaliad, yw'r person sydd â gofal y ddeorfa neu'r daliad.

(a) o fewn tri mis ar ôl i'r Gorchymyn hwn ddod i rym; neu

(b) yn achos y cyfryw ddeorfa a sefydlir ar ôl y dyddiad y daw'r Gorchymyn hwn i rym, o fewn tri mis ar ôl i'r ddeorfa gael ei sefydlu.

(a) symud ymlaen i'r cam dodwy neu i'r uned ddodwy; a

(b) cyrraedd diwedd y gylchred gynhyrchu.

(a) bod y samplau'n cael eu paratoi fel a ganlyn—


(i) rhaid paratoi leinin blychau cywion yn unol ag Atodlen 4 i'r Gorchymyn hwn;

(ii) rhaid paratoi samplau o swabiau o esgidiau yn unol â phwynt 3.1.2 yn yr Atodiad i Reoliad y Comisiwn; a

(iii) rhaid paratoi unrhyw samplau eraill o ysgarthion yn unol â phwynt 3.1.3 o'r Atodiad hwnnw;



(b) bod y samplau'n cael eu profi am salmonela yn unol â'r dull a geir ym mhwynt 3.2 o'r Atodiad hwnnw; ac

(c) bod adroddiad ysgrifenedig ar ganlyniad unrhyw brawf ar unrhyw sampl yn cael ei roi i'r meddiannydd a anfonodd y sampl cyn gynted ag y bo'n ymarferol.

(a) o'r wybodaeth a geir yn Atodlen 3, paragraff 3, mewn cysylltiad â symud unrhyw wyau ffowls domestig o'r rhywogaeth Gallus gallus i'r ddeorfa ac oddi yno; a

(b) o'r wybodaeth geir yn Atodlen 3, paragraff 4, mewn cysylltiad â symud unrhyw gywion ffowls domestig o'r rhywogaeth Gallus gallus o'r ddeorfa.

(a) enw, cyfeiriad a Rhif ffôn y meddiannydd;

(b) cyfeiriad a Rhif ffôn y ddeorfa;

(c) capasiti deor y ddeorfa; ac

(ch) rhywogaeth y dofednod a gaiff eu deor yn y ddeorfa.

Gwybodaeth mewn perthynas â heidiau bridio
     2. Yr wybodaeth sydd i'w rhoi yw'r canlynol—

(a) enw, cyfeiriad a Rhif ffôn y daliad;

(b) enw, cyfeiriad a Rhif ffôn y meddiannydd a'r person sydd piau pob haid fridio ar y daliad;

(c) nifer yr heidiau bridio ar y daliad;

(ch) dull adnabod pob haid fridio ar y daliad;

(d) y rhywogaethau ym mhob haid fridio ar y daliad;

(dd) nifer y dofednod ym mhob haid fridio ar y daliad;

(e) p'un ai ddodwywyr fridwyr neu fridwyr cig yw'r dofednod ym mhob haid fridio ar y daliad; ac

(f) statws pob haid fridio ar y daliad yn y pyramid bridio.

(a) 1 leinin blychau cywion, hyd at uchafswm o 10, ar gyfer pob 500 o gywion a ddanfonir o'r ddeorfa; a

(b) carcas pob cyw, o bob deorfa, hyd at uchafswm o 60, sydd wedi marw erbyn cyrraedd y daliad.

    (2) Yn y paragraff hwn, ystyr "leinin blychau cywion" ("chick box liner") yw unrhyw ddeunydd a ddefnyddir i leinio blwch neu gynhwysydd arall y caiff cywion eu cludo ynddo o'r ddeorfa i'r daliad.

Samplu adar pedair wythnos oed etc.
     2. —(1) Mae'r samplau canlynol i'w cymryd o bob haid o adar pedair wythnos oed a phob haid ddwy wythnos cyn i'r haid ddechrau dodwy neu symud ymlaen i'r cam dodwy neu i'r uned ddodwy—

(a) swabiau o isafswm o ddau bâr o esgidiau; neu

(b) sampl gyfansawdd o ysgarthion.

    (2) Yn y paragraff hwn, ystyr "sampl gyfansawdd o ysgarthion" ("a composite faeces sample") yw sampl o ysgarthion sy'n nifer o samplau unigol sydd wedi'u cyfrifo'n unol â'r Tabl canlynol, ac y mae pob un ohonynt yn pwyso nid llai nag 1 gram, ac sydd wedi'u cymryd o safle a ddewiswyd ar hap i gynrychioli'r adeilad neu'r grwp o adeiladau ar y daliad lle y cymerwyd y sampl.

Tabl
Mae nifer y safleoedd lle y mae samplau ar wahân o ysgarthion i'w cymryd er mwyn gwneud sampl gyfansawdd fel a ganlyn—

Nifer yr adar a gedwir yn yr adeilad	Nifer y samplau o ysgarthion sydd i'w cymryd yn yr adeilad
1—24	Nifer sy'n hafal i nifer yr adar, hyd at uchafswm o 20
25—29	20
30—39	25
40—49	30
50—59	35
60—89	40
90—199	50
200—499	55
500 neu fwy	60

(a) y math o sampl a gymerir;

(b) y dyddiad y cymerwyd y sampl;

(c) dull adnabod yr haid fridio y daeth y sampl ohoni;

(ch) oed yr haid fridio y daeth y sampl ohoni;

(d) y labordy a gymeradwywyd lle yr anfonwyd y sampl; ac

(dd) canlyniad unrhyw brawf ar unrhyw sampl y rhoddwyd adroddiad arno i'r meddiannydd yn unol ag erthygl 13(2)(c).

Symudiadau ffowls domestig o'r rhywogaeth Gallus gallus i ddaliadau ac oddi yno
     2. Yr wybodaeth sydd i'w chofnodi yw'r canlynol—

(a) dyddiad symud;

(b) nifer y ffowls domestig, y cywion neu'r wyau a symudir;

(c) oed y ffowls domestig neu'r cywion a symudir;

(ch) yn achos symud haid fridio gyfan o ffowls domestig, dull adnabod yr haid honno;

(d) manylion adnabod yr adeilad neu'r grŵ p o adeiladau lle y gosodwyd unrhyw ffowls domestig, cywion neu wyau a symudwyd i'r daliad, neu y symudwyd ffowls domestig, cywion neu wyau ohono o'r daliad;

(dd) yn achos unrhyw ffowls domestig, cywion neu wyau a symudwyd i'r daliad, y cyfeiriad y symudwyd hwy ohono i'r daliad; ac

(e) yn achos unrhyw ffowls domestig, cywion neu wyau a symudwyd o'r daliad, y cyfeiriad y symudwyd hwy iddo.

Symud wyau i ddeorfa ac ohoni
     3. Yr wybodaeth sydd i'w chofnodi yw'r canlynol—

(a) dyddiad symud;

(b) nifer yr wyau a symudwyd;

(c) cyfeiriad y mangreoedd y symudwyd yr wyau ohonynt, yn achos wyau a symudwyd i'r ddeorfa; ac

(ch) cyfeiriad y mangreoedd y symudwyd yr wyau iddynt, yn achos wyau a symudwyd o'r ddeorfa.

Symud cywion o ddeorfa
     4. Yr wybodaeth sydd i'w chofnodi yw'r canlynol—

(a) dyddiad symud;

(b) nifer y cywion a symudwyd; ac

(c) cyfeiriad y mangreoedd y symudwyd y cywion iddynt.

(a) cyfran o isafswm o 1 gram i'w chymryd o ran wedi'i baeddu ar bob leinin; a

(d) rhaid i'r cyfrannau o wahanol leininau gael eu gwasgu gyda'i gilydd a'u rhoi mewn Dwr Pepton Byfferog (BPW) ar raddfa o nid mwy nag 1 gram o leinin i bob 10 ml o BPW.

(a) sy'n ofynnol gan Erthygl 5 o Reoliad (EC) Rhif 2160/2003 Senedd Ewrop a'r Cyngor ar reoli salmonela ac asiantau milddynol penodedig eraill sy'n ymledu drwy fwyd (OJ Rhif L325, 12.12.2003, t.1); a

(b) a gymeradwywyd gan y Comisiwn Ewropeaidd yn unol ag Erthygl 6 o'r Rheoliad hwnnw.

Mae'r rhaglen reoli genedlaethol ar gael gan yr Is-dran Iechyd Anifeiliaid a Phlanhigion Llywodraeth Cynulliad Cymru, Parc Cathays, Caerdydd, CF10 3NQ.

Mae'r Gorchymyn yn gorfodi Rheoliad y Comisiwn (EC) Rhif 1003/2005 sy'n rhoi ar waith Reoliad (EC) Rhif 2160/2003 o ran targed Cymunedol ar gyfer gostwng nifer yr achosion o seroteipiau salmonela penodol mewn heidiau bridio o Gallus gallus ac sy'n diwygio Rheoliad (EC) Rhif 2160/2003 (OJ Rhif L 170, 1.7. 2005, t.12).

Mae erthyglau 6 i 12 yn gymwys i feddiannydd daliad lle y cedwir heidiau bridio o ffowls domestig o'r rhywogaeth Gallus gallus. Mae erthygl 7 yn ei gwneud yn ofynnol i'r meddiannydd hysbysu Gweinidogion Cymru bod heidiau bridio wedi cyrraedd y daliad ac mae erthygl 8 yn ei gwneud yn ofynnol iddo roi gwybod pan fydd yr heidiau hynny'n symud i'r cam dodwy neu i'r uned ddodwy a phan fyddant yn cyrraedd diwedd y gylchred gynhyrchu. Mae erthygl 9 yn ei gwneud yn ofynnol iddo gymryd samplau o'r heidiau hynny ac mae erthygl 10 yn ei gwneud yn ofynnol iddo anfon y samplau hynny i labordy a gymeradwywyd er mwyn eu profi am salmonela. Mae erthyglau 11 a 12 yn gosod gofynion cadw cofnodion ar y meddiannydd.

Mae erthygl 3 yn nodi dyletswyddau labordy a gymeradwywyd i baratoi a phrofi'r samplau ac i roi adroddiad ar y canlyniadau i'r meddiannydd.

Mae erthygl 14 yn gwahardd rhoi unrhyw asiant gwrthficrobaidd i ffowls domestig o'r rhywogaeth Gallus gallus, ac eithrio yn unol ag Erthygl 2 o Reoliad y Comisiwn (EC) Rhif 1177/2006 sy'n rhoi ar waith Reoliad (EC) Rhif 2160/2003 Senedd Ewrop a'r Cyngor o ran gofynion ar gyfer defnyddio mesurau rheoli penodol yn fframwaith y rhaglenni cenedlaethol ar gyfer rheoli salmonela mewn dofednod (OJ Rhif L212, 2.8.2006, t.3). Mae Erthygl 15 yn gwahardd rhoi unrhyw frechlyn salmonela byw i rywogaethau o'r fath, ac eithrio'n unol ag Erthygl 3(1) o'r Rheoliad hwnnw.

Mae Erthygl 16 yn gosod gofynion cadw cofnodion ar feddiannydd deorfa ddofednod.

Yr awdurdod lleol sydd i orfodi'r Gorchymyn. Mae peidio ag ufuddhau i'r Gorchymyn yn dramgwydd o dan adran 73 o Ddeddf Iechyd Anifeiliaid 1981 (p.22), ac mae'r gosb am hynny yn unol ag adran 75 o'r Ddeddf honno.

Mae asesiad effaith reoliadol a gaiff yr offeryn hwn ar gostau busnes ac ar y sector gwirfoddol ar gael o'r cyfeiriad uchod ac fe'i hatodir i'r Memorandwm Esboniadol sydd ar gael ochr yn ochr â'r offeryn ar wefan Swyddfa Gwybodaeth y Sector Cyhoeddus.