Click here to view a pdf copy of this documet : PDF Copy
Gif ony persoun committis tressoun or lese majestie, and summondis be raisit thairfoir againis him at the King's instance, all alienatiounis and dispositiouns of his landis, gudis, or geir, maid be him, togidder with all infeftments thairof obtenit by quhatsomever persoun after the executioun of the saidis summondis, and for ony cause followand the committing of the said crime of tressoun are of nane avail, and aucht and sould be reducit at the King's instance, because all and hail the landis, gudis, and geir, movabill and immovabill, quhilks pertenit to him, quha committit the tressoun, in the self samin time of the committing thairof, pertenit to our Soverane Lord as ane part and pertinent of the patrimony of his crown, and thairfoir without his consent may not be disponit or occupyit be ony persoun.