Click here to view a pdf copy of this documet : PDF Copy
Thair ar thre kindis of tutoris; for sum tutoris ar testamentaris, sum tutoris of law, and sum ar tutoris dative; the tutor testamentar sould be preferrit to the rest; and quhair thair is na tutor testamentar, the tutor of law sould have place; and failzieing of thame baith, the King may constitute a tutor dative, De Maritag. C. 14. De Tutor. C. 1. The tutor testamentar is gevin be the father in his testament and latter will; the tutor of law, or lauchfull tutor, is servit tutor be ane brief of the chahcellarie befoir the Schiref of the schire, quhair the pupill dwellis, and thairefter the King gevis to him ane testimoniall under his greit seill, upon the retour of his service.
Gif the mother be maid and constitute tutrix testamentar to hir bairn, and defiles hir bodi be fornicatioun, or committing of adulterie with ony man, scho foirfaultis and tynes the office of tutorie, and the narrest agnat to the pupill succeidis in hir place as tutor of law.
