Conventional penalties no further eligible than for the real damage.
Click here to view a pdf copy of this documet : PDF Copy
In causa Georgius Home de Broxmouth contra Jacobum Hepburn de Kirklandhill, Dominum de Waddel et alios duos penes 4 lib. monetæ Scotiæ sibi promiss. per illos pro portionibus, viribusque, casu quo, infra certum tempus non deliberaverunt dicto Georgio quendam Anglum ad personam ipsius Georgii, in qua re ipsi defecerunt et exceperunt, quod dicta summa apposita erat nomine pænæ adjecta, et quod de practica Scotiæ pænæ non prestantur nisi quatenus interest, et ipsi offerebant interesse actoris in hoc casu, et ejus liquidationem petierunt ab eo ipso; quia hoc casu pænam simpliciter petebat. Interlocuti sunt domini in re presenti, penes deliberationem angli promissam sub pæna, hanc pænam præcise peti posse in odium anglorum, in favorem republicæ, nec actorem cogendum accipere interesse, cumque in hoc casu difficillima foret probatio ipsi actori. Et ita definitive condemnarunt reos in dicta pæna, licet regulariter, extra hunc casum, de practica regni, pænæ conventionales non possunt exigi, nisi quatenus interest actores, quia sapiunt quendam usuram et inhonestum questum, quod de jure canonico vide in cap. “Suam,” exa. de pænis, et in cap. “Abbas,” exa. de iis quæ vis metusve causa gesta sunt.
