Click here to view a pdf copy of this documet : PDF Copy
Ane air may not clame be ressoun of airschip ony gudis and geir that was ane ornament to the bodie of the wife of him quha is deceist, and that sche usit to wear in hir husband's time. Item, he may not crave as airschip ony gudis or geir that sumetime pertenit to him that is deceist, and befoir his deceis were either tint, sauld, or annalzeit be him. Item, he may not crave in airschip ony gudis or geir laid in wad to him that is deceist, albeit the samen was in his possessioun the time of his deceis. Item, he may seik na airschip of sic gudis and geir as were in possessioun of him that is deceist the time of his deceis, and that, because thay pertanit to ane uther man, are restorit and deliverit agane to him befoir or after the death of him be quhas deceis the airschip is acclaimit. Item, the hail appereling of the hall pertenis to the air as airschip.
