Freely Available British and Irish Public Legal Information
[Home] [Databases] [World Law] [Multidatabase Search] [Help] [Feedback]
Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Gorchymyn Rheoli Clefydau (Mesurau Dros Dro) (Cymru) (Rhif 2) (Diwygio) 2003 Rhif 168 (Cy.28)
URL: http://www.bailii.org/wales/legis/num_reg/2003/20030168w.html
[New search] [Help]
| Wedi'i wneud | 30 Ionawr 2003 | ||
| Yn dod i rym | 31 Ionawr 2003 |
Mae Cynulliad Cenedlaethol Cymru a'r Ysgrifennydd Gwladol, a hwythau'n gweithredu ar y cyd wrth arfer y pwerau a roddwyd iddynt gan adrannau 1, 8 ac 83(2) o Ddeddf Iechyd Anifeiliaid 1981[1], yn gwneud y Gorchymyn canlynol:
Enwi, cymhwyso a chychwyn
1. Enw'r Gorchymyn hwn yw Gorchymyn Rheoli Clefydau (Mesurau Dros Dro) (Cymru) (Rhif 2) (Diwygio) 2003; mae'n gymwys i Gymru yn unig ac yn dod i rym ar 31 Ionawr 2003.
Diwygio Gorchymyn Rheoli Clefydau (Mesurau Dros Dro) (Cymru) (Rhif 2) 2002
2. - (1) Diwygir Gorchymyn Rheoli Clefydau (Mesurau Dros Dro) (Cymru) (Rhif 2) 2002[2] yn unol â'r erthygl hon.
(2) Yn erthygl 1, rhodder "1 Ebrill 2003" yn lle "1 Chwefror 2003".
(3) Yn erthygl 3 -
-
(a) ar ôl paragraff (2)(b)(xxi) ychwaneger y canlynol -
-
"
(xxii) symudiad anifail sydd ar gyfrwng cludo sy'n mynd ar safle i ollwng anifeiliaid eraill, ar yr amod nad yw wedi ymadael â'r cyfrwng cludo tra bu ar y safle.";
(b) ym mharagraff (3)(e)(iv) rhodder y gair "diweddaraf" yn lle "cynharaf";
(c) yn lle paragraff (3)(ng) rhodder y paragraff canlynol -
-
"
(ng) anifail o'i bwynt mynediad i'r Deyrnas Unedig ar ôl cael ei fewnforio o Aelod-wladwriaeth arall;".
(4) Yn lle erthygl 8 rhodder yr erthygl ganlynol -
-
"
Cyfleusterau glanhau a diheintio
8. Pan symudir anifeiliaid o dan drwydded, rhaid i feddiannydd y safle y symudir hwynt iddo ddarparu cyfleusterau, cyfarpar a deunyddiau digonol ar gyfer unrhyw waith glanhau a diheintio sy'n ofynnol o dan y drwydded.
Trwyddedau penodol
8A. - (1) Rhaid i anifail a symudir o dan drwydded benodol -
-
(a) gael ei symud ar hyd y llwybr mwyaf uniongyrchol sydd ar gael i'r gyrchfan a bennir yn y drwydded, a
(b) bod y drwydded gydag ef drwy gydol y symudiad.
(2) Rhaid i bob anifail a symudir o dan awdurdod trwydded benodol gael ei gadw ar wahân, drwy gydol y symudiad, i unrhyw anifail nas symudir o dan awdurdod y drwydded honno.
(3) Rhaid i'r person sy'n gyfrifol am unrhyw anifail a symudir o dan drwydded benodol, os myn cwnstabl neu arolygydd neu unrhyw un arall o swyddogion yr Ysgrifennydd Gwladol neu awdurdod lleol, ddangos y drwydded, a chaniatáu i gopi neu ddetholiad ohoni gael ei gymryd, a rhaid iddo hefyd, os gofynnir iddo wneud, roi ei enw a'i gyfeiriad.
(4) Pan symudir anifeiliaid o dan drwydded benodol, yna, oni bai i'r drwydded ddarparu fel arall, rhaid i feddiannydd y safle y symudir hwynt iddo -
-
(a) sicrhau y rhoddir y drwydded iddo ef neu i'w gynrychiolydd cyn caniatáu i'r anifeiliaid gael eu dadlwytho;
(b) yn achos lladd-dy, roi copi i'r llawfeddyg milfeddygol swyddogol; ac
(c) cadw'r drwydded am chwe mis a'i dangos i arolygydd os gofynnir amdani.
Trwyddedau cyffredinol
8B.
Pan symudir anifeiliaid o dan drwydded gyffredinol, ac mae'r drwydded yn ei gwneud yn ofynnol i'r person sy'n symud yr anifeiliaid fod â dogfen symud, rhaid i feddiannydd y safle y symudir hwynt iddo -
-
(a) sicrhau y rhoddir iddo ef neu i'w gynrychiolydd y copi uchaf o'r ddogfen symud cyn caniatáu dadlwytho'r anifeiliaid;
(b) llenwi'r copi uchaf i ddangos ei fod ef wedi cael yr anifeiliaid, ei lofnodi, a'i anfon i'r awdurdod lleol yn ddi-oed; a
(c) cadw copi o'r ddogfen wedi ei llenwi am chwe mis.
Copïau o drwyddedau
8C.
Pan fydd arolygydd awdurdod lleol yn dyroddi trwydded o dan erthygl 3(1)(a), rhaid iddo gadw copi o'r drwydded am chwe mis.".
Llofnodwyd ar ran Cynulliad Cenedlaethol Cymru
D. Elis-Thomas
Llywydd y Cynulliad Cenedlaethol
29 Ionawr 2003
Whitty
Yr Is-Ysgrifennydd Seneddol Adran yr Amgylchedd, Bwyd a Materion Gwledig
30 Ionawr 2003
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn diwygio Gorchymyn Rheoli Clefydau (Mesurau Dros Dro) (Cymru) (Rhif 2) 2002 (O.S. 2002/2304 (Cy.229), fel y'i diwygiwyd gan O.S. 2002/2480 (Cy.243)).
Mae'n newid y dyddiad pan beidia'r Gorchymyn â bod yn effeithiol i 1 Ebrill 2003 (erthygl 2(2)).
Mae'r Gorchymyn yn newid yr amodau sy'n ymwneud ag anifeiliaid a gymerir o safle mewn cyfrwng cludo sydd wedi gollwng anifeiliaid eraill ar y safle hwnnw (erthygl 2(3)(a)).
Mae'n cywiro camgymeriad sy'n ymwneud â'r amser erbyn pryd y mae'n rhaid llofnodi datganiad (erthygl 2(3)(b)).
O ran anifeiliaid a fewnforir, mae'n cyfyngu'r symudiadau nad ydynt yn ysbarduno'r cyfnod segur i symudiad i'r safle cyntaf wedi'r mewnforio (erthygl 2(3)(c)).
Mae'n newid y darpariaethau ar drwyddedau penodol, ac mae'n gwneud darpariaeth newydd ar gyfer dogfennau symud pan symudir anifeiliaid o dan drwydded gyffredinol sy'n gwneud dogfen symud yn ofynnol(erthygl 2(4)).
Nid oes arfarniad rheoliadol wedi'i baratoi ar gyfer y Gorchymyn hwn.
Notes:
[1] 1981 p.22. Trosglwyddwyd swyddogaethau a roddwyd o dan Ddeddf 1981 i "the Ministers" (fel y'u diffinnir yn adran 86 o'r Ddeddf honno) i'r graddau yr oeddent yn arferadwy gan Ysgrifennydd Gwladol Cymru mewn perthynas â Chymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672). Trosglwyddwyd swyddogaethau "the Ministers" a oeddent yn arferadwy gan Ysgrifennydd Gwladol yr Alban i'r Gweinidog Amaethyddiaeth, Pysgodfeydd a Bwyd gan Orchymyn Trosglwyddo Swyddogaethau (Amaethyddiaeth a Bwyd) 1999, O.S.1999/3141. Cafodd pob un o swyddogaethau'r Gweinidog Amaethyddiaeth, Pysgodfeydd a Bwyd eu trosglwyddo ymhellach wedyn i'r Ysgrifennydd Gwladol gan Orchymyn y Weinyddiaeth Amaethyddiaeth Pysgodfeydd a Bwyd (Diddymu) 2002 (O.S.2002/794).back
[2] O.S. 2002/2304 (Cy.229), fel y'i diwygiwyd gan O.S. 2002/2480 (Cy.243).back
ISBN 0 11090646 2
| © Crown copyright 2003 | Prepared 18 February 2003 |